ئه‌میر ته‌ها به‌ بێده‌نگى هاوار ده‌كا

چیرۆكى خۆسووتاندنى ژنان،  نوێترین كارى دۆكیومێنتى ئه‌میر ته‌هایه‌و بڕیاره‌ (9) ى ئه‌م مانگه‌ له‌ناو په‌رله‌مان نمایشبكرێ. له‌مباره‌یه‌وه‌ ئه‌میر ته‌ها وتى: سه‌عات (10)ى به‌یانى رۆژی سێشه‌ممه‌ (9/3/2010) له‌هۆڵی په‌ناگیری ناو په‌رله‌مانى كوردستان فیلمى دۆكیومێنتى هاوارى بێده‌نگى نمایشده‌كه‌ین، كه‌ ئه‌و فیلمه‌ باس له‌چیرۆكى ئه‌و ژنانه‌ ده‌كات كه‌ خۆیان ده‌سووتێنن. شایانی باسه‌ ئه‌میر ته‌ها دوایین كارى كورته‌ فیلمى (ده‌مانچه‌كه‌ له‌بیركه‌) بوو، كه‌ بۆ فێستیڤاڵی دار به‌ڕووى زێڕینى هه‌ولێر به‌رهه‌مى هێناوه‌.