حاڵەتە دەگمەنەكانی بووك گواستنەوە

ئاهەنگەكانی بووك گواستنەوە لە هەر شوێنێك بەپێی ئەو داب و نەریتانەی لەلای هەر نەتەوە یان هۆزێكی جیهان هەیە جیاوازە، رەنگە هەندێك لە كارەكان لەلای ئەوان شتێكی ئاسایی بێ، كەچی لەلای ئێمە دەبێتە یەكێك لە حاڵەتە سەیرەكان. ئەوەی دەیبینن بریتییە لە دوو حاڵەتی بووك گواستنەوە، یەكێكیان بریتییە لە گواستنەوەی بووكێك بە پایسكل، وەك رێگەیەك بۆ دەربڕینی خۆشییەكان، بۆیە بووك و زاوا بەسەر دوو پایسكلەوە بەناو شۆستە و شەقامەكانی وڵاتی هەنگاریا رۆژی ئاهەنگیان بەڕێ كرد. حاڵەتی دووەمیش بریتییە لە ئاهەنگی نێوان پیاو و ئافرەتێكی بە تەمەن، تەمەنی پیاوەكە نزیكەی (85) ساڵی و بووكە خانمیش(70) ساڵانەیە!