نازێ بەخۆڕایی بانگەشە ناكات

گۆرانیبێژی رۆژهەڵاتی كوردستان، نازێ عەزیزی، ئێستا خەریكی بەرهەمێكی نوێیە كە لە 9 گۆرانی پێكهاتووەو بەمزووانە بڵاویدەكاتەوە. لەبارەی ئەوەی كە لەو بەرهەمە نوێیەیەدا هیچ گۆرانییەكی بەسەر لیستەكاندا گوتبێت، گوتی "تائێستا هیچ لایەنێك پەیوەندی بەمن نەكردووە بە گۆرانی بانگەشەی بۆ بكەم، بەڵام ئەگەر بۆ چارەنووسی كوردستان بێت من بەگیان و بەدڵ ئامادەم، چونكە پێویستە هەموومان بۆ چارەنووسی كوردستان تێبكۆشین". عەزیزی كە لایەنگری لیستی هاوپەیمانی كوردستانە، دەڵێ "من بە دڵ و بەگیان عاشقی كاك مەسعودم، ئەو لەكام لابێ من لەگەڵ ئەودام، چونكە تەنها كەسێكە بە دڵسۆزییەوە بۆ بەرژەوەندی كورد تێدەكۆشێت". گوتیشی بەخۆڕایی بانگەشە بۆ هیچ لیستێك ناكات.