شیرپێدانی سروشتی قه‌شه‌نگی دایکان ده‌پارێزێت

لێکۆڵینه‌وه‌یه‌کی تازه‌ی ئه‌مریکی ئه‌وه‌ی ده‌رزستووه‌ که‌ شیرپێدانی سروشتی دایکان به‌ منداڵان یارمه‌تی دایکان ده‌دات بۆ پارێزگاری کردن له‌ قه‌شه‌نگیه‌که‌یان . لێکۆڵینه‌وه‌یه‌ک که‌ کۆمه‌ڵێک له‌ توێژه‌ره‌وانی زانکۆی "بیتسبۆرگ" ئه‌نجامیان داوه‌ ، ئه‌وه‌مان بۆ ده‌رده‌خات که‌ بڕێکی که‌م له‌ چه‌وری ده‌نیشێته‌ سه‌ر چوارده‌وری سک(وورگ)ی ئه‌و ئافره‌تانه‌ی که‌ شیر به‌ منداڵه‌کانیان ده‌ده‌ن بۆ ماوه‌یه‌ک ، به‌ به‌راوردکردن له‌گه‌ڵ ئه‌و ئافره‌تانه‌ی که‌ شیر به‌ منداڵه‌کانیان ناده‌ن .! "کانداس ماکلور" که‌ سه‌رپه‌رشتیاری توێژینه‌وه‌که‌یه‌ ئاماژه‌ به‌وه‌ ده‌دات که‌ سکی ئافره‌تان شوێنێکه‌ . که‌ زۆر که‌م ده‌ستده‌دات بۆ کۆبوونه‌وه‌ی چه‌وری تیایدا ، وه‌ پێده‌چێت که‌ شیر پێدانی سروشتی هه‌ستێت به‌ لێدانی ئه‌و چه‌وریه‌ پیسه‌و توانه‌وه‌یان . ده‌رکه‌وت له‌ کاتی ئه‌نجامدانی توێژینه‌وه‌ که‌ ئه‌نجامدرابوو له‌سه‌ر 351 ئافره‌ت ،که‌ تێبینی کشانه‌وه‌ی دیواری سک ده‌کرا له‌ لای ئه‌و ئافره‌تانه‌ی که‌ شیر به‌ منداڵه‌کانیان ده‌ده‌ن ، به‌ ڕێژه‌ی 5،08 سه‌نتیمه‌تر به‌ به‌راورد له‌گه‌ڵ ئه‌و ئافره‌تانه‌ی شیر به‌ منداڵه‌کانیان ناده‌ن .