به‌كارهێنانى غاز مه‌ترسی شێرپه‌نجه‌ ی هه‌یه‌

لێكۆلینه‌وه‌یه‌كى تازه‌ى نه‌رویجی ده‌ریخستووه‌ كه‌ چێشت لێنان به‌ به‌كارهێنانى غاز ، ئه‌گه‌رى تووشكردنى مرۆڤ به‌ مه‌ترسی شێرپه‌نجه‌ به‌رز ده‌كاته‌وه‌ ، به‌ به‌راورد له‌گه‌ڵ ئه‌وانه‌ى له‌ ڕێگاى كاره‌باوه‌ خواردن لێده‌نن .
مالپه‌ڕی "هێلس داى نیۆز"ى ئه‌مریكى له‌سه‌ر زارى توێژه‌رانى بلاوكرده‌وه‌ كه‌ چێشت لێنان له‌ ڕێگاى كاره‌باوه‌ مه‌ترسی زۆر كه‌متره‌ له‌ غاز ، وه‌ ئه‌و چێشت لێنه‌رانه‌ى له‌ ده‌ره‌وه‌ى ماله‌كانیاندا كارده‌كه‌ن ، زیاتر له‌ جگه‌ره‌كێشان تووشی شێرپه‌نجه‌ ده‌بنه‌وه‌ .
 كریستین سگاستاد سه‌رۆكى لێكۆلینه‌وه‌كه‌ له‌ زانكۆى زانستى ته‌كنه‌لۆژیاى نه‌رویجى له‌ شارى تروندهایم ئاماژه‌ى به‌وه‌دا كه‌ چێشت لێنان له‌ناو ماڵدا مه‌ترسی كه‌مترى هه‌یه‌ ، به‌لام كاركردن له‌ ده‌ره‌وه‌ى ماڵ مه‌ترسی زیاترى هه‌یه‌ .
 هه‌روه‌ها توێژه‌ران ئامۆژگاریمان ده‌كه‌ن ، كه‌ زیاتر گرنگى به‌ به‌كارهێنانى ته‌باغى كاره‌باى بده‌ین ، بۆ ئه‌وه‌ى له‌ مه‌ترسی به‌دووربین .