حەزرەتی یوسف دێتە كوردستان

لەفیلمێكی نوێدا بەنێوی (ماڵئاوا بەغدا)، ئەكتەری لاوی فارس مستەفا زەمانی كە لە زنجیرەی (یوسف پێغەمبەر)دا رۆڵی پێغەمبەر یوسفی گێڕا، سەردانی كوردستان دەكات. ئەو فیلمەی دەرهێنەر مەهدی نادری، باس لە شەڕی عێراق و ئەمریكا دەكات لە ساڵی 2003. نادری لەبارەی بیرۆكەی فیلمەكەوە دەڵێ "6 ساڵ لەمەوبەر خەریكی دروستكردنی فیلمێكی سینەمایی بووم بەنێوی (پەردەی جنۆكەیی)، بەرێكەوت سەردانی عێراقم كرد و بیرۆكەیەكم بۆ دروستبوو، بۆیە وازم لەو هێناو دەستمكرد بە دروستكردنی فیلمی (ماڵئاوا بەغدا)". ئەو فیلمە كە بەرهەمی سینەمای ئێران و عێراقە، بە هەردوو زمانی ئینگلیزی و عەرەبی ئامادەكراوەو ماوەكەی 95 دەقیقەیە.